Fyrirhugað er opið hús í ME á næsta sunnudag 29.apríl milli 16 – 18. Sjá auglýsingu.
Foreldrar nemenda í ME og foreldrar efstu bekkja grunnskóla eru hvattir til að mæta og kynna sé starfssemi skólans. Kynningin er haldin í samstarfi við Foreldrafélag ME og Fljótsdalshérað. ME vinnur eftir stefnu um Heilsueflandi framhaldsskóla og í tengslum við kynningu á á því verkefni býður foreldrafélag Menntaskólans uppá áhugaverðan fyrirlestur jákvæðar vímuvarnir. Árni Einarsson framkvæmdastjóri Fræðslu og forvarna heimsækir skólann og ber fyrirlesturinn yfirskriftina :
Forvarnir sem samfélagsverkefni: Við erum öll þátttakendur!
Með forvörnum reynum við að bregðast við og takmarka þann vanda og tjón sem neysla vímuefna veldur. Forvarnir eru velferðarmál og sameiginlegt samfélagsverkefni okkar allra, uppalenda, stjórnvalda, fjölmiðla og félagasamtaka. Sameiginleg sýn, markmið og samstarf eru lykilforsendur þess að vel takist til í forvörnum.
Fjallað verður um þessa þætti svo og hagsmuna- og átakalínur í vímuefnamálum, þróun í áfengis- og vímuefnaneyslu íslenskra ungmenna síðustu ár og nefnd dæmi um virk forvarnaverkefni.
Foreldrar og áhugafólk um skólastarf og uppeldi eru hjartanlega velkomin í ME á sunnudaginn.
