Menntaskólinn á Egilsstöðum

Búið er að draga í aðra umferð í spurningakeppni framhaldsskólanna, Gettu betur. Dróst lið ME gegn liði Menntaskólans við Hamrahlíð, en MH hefur átt eitt sterkasta lið keppninnar undanfarin ár. Því verður við ramman reip að draga í viðureigninni sem fram fer mánudaginn 30. janúar kl. 20:00 á Rás 2.

Atli Þór Erlendsson, stúdent frá ME, útskrifaðist á dögunum sem nýsveinn í matreiðslu frá MK með góðum árangri. Fyrir árangur sinn hlaut Atli styrk úr Viðurkenningarsjóði MK og viðurkenningu frá Rótarýklúbbnum Borgum. Atla eru færðar hamingjuóskir fyrir frammistöðu sína.

Á síðustu vikum hafa íþróttafélögin á Austurlandi verið að útnefna íþróttamenn ársins 2011. Nokkrir vaskir ME-ingar hafa ratað inn á þennann lista og er þeim óskað til hamingju með titla sína.

Þar má nefna:

Björgvin Stefán Pétursson, íþróttamann Leiknis Fáskrúðsfirði

Eystein Bjarna Ævarsson, körfuknattleiksmann Hattar

Óttar Stein Magnússon, íþróttamann Hattar og knattspyrnumann Hattar

Örvar Þór Guðnason, frjálsíþróttamann Hattar