Fréttir og greinar

Hlé var gert á kennslu miðvikudaginn 30. janúar þegar nemendur og kennarar skelltu sér út í snjóinn og renndu sér á sleða og slöngum í brekkunni vestan megin við skólann. Gleðin gekk slysalaust fyrir sig, kveiktur var eldur og grillaðir sykurpúðar. Myndir frá þessari skemmtilegu uppákomu í anda gilda skólans, gleði, virðing, jafnrétti má finna á heimsasíðunni. 

Sergio ensku kennari tók video af þessum skemmtilega viðburði á drónann, videoið má sjá hér.

Fyrir nokkru síðan fóru nemendur í ME sem læra íslensku sem annað tungumál ásamt Maríönnu Jóhannsdóttur íslenskukennara í heimsókn á Minjasafnið þar sem Edda Björnsdóttir starfsmaður safnsins tók á móti þeim. Það er hluti af íslenskukennslunni að kynnast íslenskri menningu og var ferðina á Minjasafnið liður í því. 

Annað skemmtilegt verkefni sem Maríanna framkvæmdi með þeim fyrri stuttu síðan var að elda saman í nemendaeldhúsi ME. Í stað þess að læra um orð og málnotkun tengdri matargerð í bók var það gert með því að elda rétti frá þeim löndum sem nemendurnir eru frá. Þetta tóks ljómandi vel og fengu svo kennararnir á kaffistofunni að njóta veitinga þann daginn í boði nemenda ÍSLA áfangans Takk fyrir okkur!

minjasafnið heimsótt des18 3          

Jafnréttisvika ME fer fram vikuna 28. janúar -1. febrúar. Það er orðin hefð fyrir því að taka eina viku af skólaárinu þar sem við vekjum meiri athygli en aðrar vikur á jafnrétti í sínum víðasta skilningi. Ýmis fróðleikur hefur verið hengdur upp á göngum skólans, þeir skreyttir sérstaklega og boðið upp á ýmsa viðburði tengda málefninu. Þetta ár er engin undantekning, ýmsar sýningar og uppákomur verða nánar auglýstar síðar.

Hvetjum alla til að taka virkan þátt í vikunni með okkur og stuðla að bættu jafnrétti í skólanum okkar og heiminum öllum. 

Undanfarin misseri hefur ME unnið í því að setja sér gildi í skólastarfinu. Á vormánuðum tóku starfsmenn venjubundna könnun þar sem spurt var meðal annars út í hvaða gildi starfsmenn töldu mikilvægust varðandi skólabrag ME. Kennarar völdu þrjú efstu gildin virðingu, gleði og jafnrétti. Nemendur tóku svo könnun nú í haust þar sem spurt var sömu spurningar. Þeirra niðurstöður sýndu sömu eftstu þrjú gildin gleði, virðingu og jafnrétti. 

Í vikunni unnu kennarar með gildin og hvernig þeir gætu gert þau meira sýnileg í skólastarfinu. Niðurstöðurnar voru flottar og margt gott hægt að vinna úr þeim. Sama vinna fór svo fram í dag með öllum nemendum skólans. Nemendur unnu saman í hópum undir stjórn kennara. Greint var hvernig staðan væri í dag í skólanum varðandi gleði, jafnrétti og virðingu og svo settar niður hugmyndir að því hvernig við getum bætt þessi sömu gildi og gert þau meira áberandi í skólastarfinu. Unnið verður áfram úr þessum flottu hugmyndum og reynt að hafa gildin að leiðarljósi í skólastarfinu og leiðandi í skólabrag ME. DSC 0045

Hlökkum til að vinna að þessu áfram með nemendum og starfsmönnum. Það er svo sannarlega flottur hópur sem nemur og starfar í skólanum okkar.

Myndir frá hópavinnunni í dag má finna hér

MEallir gildi a

Hafðu samband

v/Tjarnarbraut
700 Egilsstaðir
Netfang: skrifstofa@me.is
Sími: 471-2500
Kt. 610676-0579