Listnámsbraut

Á listnámsbraut er boðið upp á grunnmenntun á sviði sjónlista og sviðslista. Stúdentspróf af brautinni nýtist í framhaldsnámi í öllum listgreinum og flestum greinum hug- og félagsvísinda auk þess sem brautin veitir nemendum góðan undirbúning undir nám og störf í víðu samhengi. Mörg tækifæri liggja til framþróunar á sviði lista og menningar þar sem margs konar skapandi greinar skipa stöðugt veigameiri sess í atvinnulífinu. Nám á brautinni er 200 einingar. Hér má sjá inntökuskilyrði á brautir skólans.

Tillaga að uppsetningu brautar eftir námsárum.

Þessi brautarlýsing á við nemendur innritaða haustið 2024 og síðar.

Nemendur velja áfanga í frjálsu vali úr áfangaframboði skólans, samtals 50 einingar.

Á brautinni er boðið upp á leiðbeinandi línur þar sem nemendur velja 35 einingar af línu og 15 í frjálsu vali úr áfangaframboði skólans.

Leiðbeinandi lína gerir nemanda kleift að sérhæfa sig út frá áhugasviði eða faggreinum sem nýtast sem undirbúningur fyrir háskólanám. Við val á áföngum þarf nemandi að hafa í huga samsetningu áfanga á þrepum til að uppfylla skilyrði aðalnámskrár sem eru að lágmarki 53 einingar á 1. þrepi, 68 á 2. þrepi og 35 á 3. þrepi.