Vefsíða ADHD samtakanna. Hér má finna ýmis konar fróðleik, fréttir, vefverslun, upplýsingar um viðburði og námskeið auk þess sem hægt er að gerast meðlimur. Hér má finna upplýsingar um greiningaraðila sem þjónusta 18 og yngri. Hér má finna upplýsingar um greiningaraðila sem þjónusta 18 ára og eldri.
Lífið með ADHD er hlaðvarp ADHD samtakanna í umsjón Karitasar Hörpu Davíðsdóttur, sem birtist reglulega á RUV.is og í öllum helstu hlaðvarpsveitunum. Karitas Harpa fær til sín góða gesti í 40-50 mínútna spjall, sem miðla af reynslu sinni og þekkingu, ekki síst af lífinu með ADHD. Gleði, sorgir, sigrar og óborganlegar lífsreynslusögur í bland við fróðleik um ADHD. Allt sem þú hélst að þú vissir um ADHD, en vissir í raun ekki...
Hér má finna fullt af fróðleik um ADHD, tillögur að öppum, forritum og fleiru sem mögulega gæti nýst einhverjum. Ef þú ert tilbúin/nn/ð til að deila einhverjum síðum, forritum eða fleiru sem hefur virkað vel fyrir þig eða þá sem standa þér nærri - endilega bættu þeim við á padletið.
Frábær vefsíða þar sem fjallað er um ADHD, bæði á persónulegan hátt, -faglegan og út frá nýjustu rannsóknum. Allt sem þú vilt vita á einum stað.
Jessica útbýr skemmtileg fræðslumyndbönd um allt milli himins og jarðar sem tengist ADHD sem hún þekkir sjálf af eigin raun. Hún heldur úti rásinni "How to ADHD" á Youtube.
Á meðan samkomutakmarkanir stjórnvalda vegna Covid voru í gildi, stóðu ADHD samtökin fyrir reglulegum opnum fræðslufundum um ýmis málefni tengd ADHD. Fræðslufundunum var streymt beint á Facebook síður samtakanna - ADHD samtökin, ADHD Eyjar og ADHD Norðurland.
Þessar leiðbeiningar eru sambland klínískra leiðbeininga og verklagsreglna. Þær er fyrst og fremst ætlaðar fagfólki sem vinnur við athugun, greiningu og meðferð á ADHD. Aðrir sem gætu haft gagn af leiðbeiningunum eru t.d. einstaklingar með ADHD og fjölskyldur þeirra, starfsfólk skóla o.fl.
Teymið samanstendur af hópi lækna og sálfræðinga, auk ritara, Teymisstjóri hefur umsjón með daglegum rekstri teymisins. Meginverkefni ADHD teymis er að sinna greiningum og meðferð fullorðinna frá 18 ára aldri. Símatími ritara er alla virka daga frá 13:00-14:00 í síma 543-4088.
Starfsemi samtakanna beinist meðal annars að því að bæta þjónustu við einhverfa, standa vörð um lögbundin og stuðla að fræðslu um málefni fólks á einhverfurófi. Samtökin halda úti heimasíðu og eru með reglulegan opnunartíma á skrifstofu þar sem nálgast má upplýsingar og fræðsluefni. Einhverfusamtökin halda einnig úti spjallhópi á Facebook.
Krossgatan - sálfræðiráðgjöf er ráðgjöf og sálfræðiþjónusta fyrir fólk á einhverfurófi og foreldra barna á einhverfurófi. Einnig er í boði fræðsla um einhverfurófið fyrir aðra. Áherslan er á stuðning og leiðir til að eiga við vandamál sem koma fram í samspili einhverfu og umhverfis.
Einhverft fólk upplifir t.d. oft skynáreiti öðruvísi en aðrir og er oft næmara fyrir alls konar áreiti. Hér má finna upplýsingar um skynsviðin, skynáreiti og skynúrvinnslu.
Markmiðið hjá SÓL er að bæta þjónustu við börn og ungmenni og fjölskyldur þeirra. Þau vilja tryggja samræmda þjónustu á einum stað og auðvelda þannig aðgengi að sérfræðingum og úrræðum. Sól þjónustar börn og ungmenni að 25 ára aldri með margs konar vanda. Ekki þarf að liggja fyrir greining til þess að fá þjónustu.
Geðheilsumiðstöð barna (GMB) veitir 2. stigs þjónustu á landsvísu fyrir börn í grunn- og framhaldsskólum að 18 ára aldri. Þau sinna greiningu, ráðgjöf, meðferð og fræðslu vegna taugaþroskaraskana og annarra erfiðleika í hegðun eða líðan. Skólasálfræðingar og aðrir fagaðilar heilbrigðis-, fjölskyldu- og félagsþjónustu geta vísað börnum að uppfylltum skilyrðum um forvinnu.
Til viðbótar við hefðbundið mat á tilfinningavanda og meðferð og ráðgjöf við slíku sinna sálfræðingar á Sálfræðiþjónustu Norðurlands sálfræðilegum greiningum. Dæmi um slíkt eru ADHD greiningar, mat á persónuleikavanda, vitsmunamat, taugasálfræðilegar prófanir, lesgreiningar og mat á sértækum námsörðugleikum.
Ráðgjafar- og greiningarstöð er miðlæg þjónustu- og þekkingarmiðstöð sem starfar á þverfaglegum grunni og sinnir börnum að 18 ára aldri hvar sem þau búa á landinu. Hlutverk hennar er meðal annars að annast ráðgjöf og greiningu barna með víðtækar þroskaskerðingar en algengustu ástæður tilvísunar eru grunur um einhverfu og skyldar raskanir, þroskahömlun og hreyfihamlanir.
