Umhverfis- og loftslagsstefna ME
Umhverfisstefna Menntaskólans á Egilsstöðum
Við Menntaskólann á Egilsstöðum er lögð áhersla á að efla umhverfisvitund nemenda og starfsmanna, auka ábyrgðartilfinningu þeirra og meðvitund um sitt nánasta umhverfi sem og umhverfismál á heimsvísu. Í starfi skólans er markvisst stuðlað að sjálfbærni á sem flestum sviðum og leitast við að draga úr neikvæðum umhverfisáhrifum skólastarfsins. Keppt er að því að umhverfi skólans, jafnt innandyra sem utan, sé snyrtilegt og heilnæmt. Leitast er við að hafa umhverfisstefnu skólans skýra og vel sýnilega nemendum, starfsmönnum og foreldrum.
Við skólann starfar umhverfisnefnd sem skipuð er nemendum og starfsmönnum. Skólameistari setur nefndinni erindisbréf.
Menntaskólinn á Egilsstöðum leggur áherslu á:
- sjálfbæra þróun og verndun umhverfisins
- að fylgjast með helstu rannsóknum og nýjungum í umhverfismálum og miðlun þeirra til starfsmanna og nemenda
- að rekstur og starfsemi skólans hafi ekki neikvæð áhrif á umhverfið
- að flokka úrgang eins vel og kostur er á
- að velja vistvænar og lífrænt ræktaðar vörur umfram aðrar vörur
- að auka fjarfundi og velja vistvænar samgöngur þar sem þeim verður við komið
Með þessu mun Menntaskólinn á Egilsstöðum draga skipulega úr kolefnisspori starfseminnar og kolefnisjafna það sem út af stendur frá og með áramótum 2021-22.
Kynnt fyrir starfsmönnum nóvember 2021
Kynnt skólanefnd haustið 2021
Græn skref
Menntaskólinn á Egilsstöðum er aðili að Grænum skrefum sem stjórnað er af Umhverfisstofnun. Græn skref eru verkefni fyrir ríkisstofnanir sem vilja efla sitt umhverfisstarf. Ávinningur Grænu Skrefanna er minni umhverfisáhrif, minni rekstrarkostnaður og aukin vellíðan nemenda og starfsmanna.
Það sem skólinn hefur þegar gert er meðal annars að flokka úrgang, stuðla að vistvænum samgöngum og auka hlutfall af lífrænum og vistvænum vörum í innkaupum.
Til að aðstoða skólann við að ná markmiðum sínum í umhverfis og loftslagsmálum viljum við gjarnan fá ábendingar og tillögur frá sem flestum. Ef þú lumar á einhverju, endilega sendu línu á umhverfisnefnd skólans á netfangið bge@me.is
Menntaskólinn á Egilsstöðum hefur klárað 5 græn skref, en 5. skrefinu var náð 30. desember 2021.
Gátlisti umhverfismála
Við ætlum öll að hjálpast að við að gera ME að grænum og vænum vinnustaði, og minnka um leið þann kostnað við kolefnisjöfnun.
Hér eru nokkur heilræði og pælingar um hvernig við gerum hlutina eða gætum/ættum að gera.
Græn skref.
- Allar ríkisstofnanir þurfa að klára 5 græn skref varðandi rekstur sinn og setja sér loftslagsstefnu ásamt aðgerðaráætlun fyirr áramót 2021-22
- Kynning á grænum skrefum
Flokkun - munum að flokka alltaf, allstaðar
- Flokkunarstöðvar - eru í andyri í báðum byggingum og fyrir framan mötuneyti.
- Rafhlöður - ljósritun
- Tússpennar - ljósritun ( ath hvort þú getur hætt að nota þá þvi þeir eru ekki vænir fyrir umhverfið)
- Lífræn úrgangur - á kaffistofu, mötuneyti og víðar
- Málmar - kassi í ljósritun ef í smáum stíl, annars húsvörður
- Spilliefni - húsvörður
- flokkunarleiðbeiningar
Samgöngur -
- Flugákvörðunartré - hefur þú séð það, smelltu á það!
- Leigjum rafmangsbíl ef nauðsynlegt er að fara suður/norður á fundi eða námskeið og gistum á svansvottuðu hóteli
- Beitum þrýstingi - Senda póst á þann sem heldur fundinn/námskeiðið og spyrja hve vegna ekki er boðið upp á fjarfund.
- Hefur þú gert samgöngusamning, þeir eru í boði í ME? (starfsmenn)
- Ert þú í samgöngupotti? ( nemendur)
- Er rútufyrirtækið vistvænt ? Sakar ekki að spyrja = þrýstingur
Rafmagn.
- Muna að slökkva ljós og loka gluggum í lok dags.
- Muna að slökkva á skjá og tölvum áður en vinnustaður er yfirgefinn.
- Gott að taka tölvu og hleðslutæki úr sambandi
- Tölvupóstur - segja upp fjölpósti og henda gömlum pósti
- 20 tölvupóstar x 365 = 1000 km á fjölskyldubílnum !!!
Viðburðir - Búbót - kennarafélag - ME - Nemendaráð
- hvernig getum við haft viðburði vistvæna leiðbeiningar gátlisti
- sjá líka innkaup hér að neðan
- Fjarfund frekar 12 góð ráð varðandi fjarfundi
Innkaup - kaupir þú inn fyrir ME?
- Samkvæmt grænum skrefum leitum við alltaf að umhverfisvænasta kostinum, ekki þeim ódýrasta = stefna í ríkisrekstri. Leiðbeiningar
- Þekkir þú merkingar á vistvænum og á hættulegum vörum
- Sendum rafrænar jólakveðjur og heillaóskaskeyti
Umgengi
- Notum inniskó fyrir umhverfið sparar gólfdúk og bón
- Vöndum okkur við að flokka, náttúran á það skilið
- Spörum fyrir umhverfið
Mötuneyti -
- kaupir inn lífrænt ræktað, siðgæðisvottað, af svæðinu
- vinnur stöðugt gegn matarsóun
- og flokkar allt sem hægt er að flokka.
Grænn lífsstíll
- Getum við betur? - Grænn lífsstíll
Loftslagsstefna ME og áætlanir
Menntaskólinn á Egilsstöðum stefnir á að vera til fyrirmyndar í loftslagsmálum með því að draga markvisst úr losun gróðurhúsalofttegunda (GHL) frá starfseminni og þeim áhrifum sem losunin hefur í för með sér.
Fram til 2030 mun Menntaskólinn á Egilsstöðum draga úr losun gróðurhúsalofttegunda um samtals 61,41 % á stöðugildi miðað við árið 2019. Menntaskólinn á Egilsstöðum mun fyrst og fremst leggja áherslu á að draga úr losun í rekstri en einnig kolefnisjafna alla eftirstandandi losun með kaupum á vottuðum kolefniseiningum frá og með árinu 2022.
Stefna þessi tekur mið af skuldbindingum íslenskra stjórnvalda gagnvart Parísarsamningnum og yfirlýsingu forstöðumanna stofnana ráðuneytis um samdrátt í losun GHL og kolefnishlutleysi.
Stefnan nær til samgangna, innkaupa, úrgangsmyndunar, rafmagnsnotkunar og umhverfisfræðslu. Stefnan nær til allrar starfsemi ME, fræðslu, reksturs og framkvæmda.
Loftslagsstefna ME er rýnd á hverju ári af stýrihóp umhverfismála og yfir markmið og undirmarkmið uppfærð með tilliti til þróunar í losun GHL á milli ára. Stefnan er samþykkt af yfirstjórn og upplýsingum um árangur aðgerða er miðlað á heimasíðu Menntaskólans á Egilsstöðum.
Kynnt fyrir starfsmönnum nóvember 2021
Kynnt skólanefnd haustið 2021
Markmið og aðgerðaáætlun ME í loftslagsmálum