Starfsbraut

Markmið starfsbrautar er að undirbúa nemendur undir lífið og þátttöku í atvinnulífinu og/eða frekara námi. Nemendur þurfa að hafa viðurkennd greiningargögn til að komast inn á brautina.

Unnið er út frá styrkleikum hvers og eins og áhersla er á að efla sjálfsmynd nemenda. Starfsbraut er fyrir nemendur sem hafa verið í námsverum eða í sérdeildum í grunnskólum, hafa fengið sérstakan stuðning við nám og/eða haft aðlagað námsefni.

 Að námi loknu eiga nemendur að hafa fengið almennan undirbúning fyrir lífið og í grunnþáttum menntunar. Þeir eiga einnig að hafa kynnst og/eða öðlast starfsreynslu á vinnumarkaði. Námið er á fyrsta þrepi, þ.e. almenn og hagnýt þekking sem miðast við stöðu hvers og eins. Ekkert er því til fyrirstöðu að nemendur geti tekið áfanga á öðrum námsþrepum og námsbrautum, þ.e. ef þeir hafa áhuga og/eða hæfni til þess. Nám á starfsbraut tekur allt að fjögur ár en þar sem námið er einstaklingsmiðað geta áherslur og þátttaka í áföngum verið mismunandi á tímabilinu.

Leitast er við að hafa námið sem fjölbreyttast og þverfaglegt innan brautar og í samstarfi við aðrar brautir. Námsbrautin er 240 einingar, námslok eru á 1. hæfniþrepi.

Nemendur velja áfanga út frá áhugasviði úr áfangaframboði skólans. Fjöldi áfanga og einingafjöldi sem nemendur velja er einstaklingsbundinn.

Nánari upplýsingar á namskra.is