57 nýstúdentar útskrifaðir frá ME í dag

Í dag voru brautskráðir 57 nemendur úr Menntaskólanum á Egilsstöðum við hátíðlega athöfn í Valaskjálf. 19 útskrifuðust af félagsgreinabraut, 5 af listnámsbraut, 6 af náttúrufræðibraut, 22 af opinni braut, 4 af starfsbraut og 1 með viðbótarnám til stúdentsprófs.

Gaman er að segja frá því að fjarnemendum sem útskrifast frá ME fjölgar sífellt, en núna voru það 18 fjarnemendur sem útskrifuðust og 39 staðnemar úr dagskóla. Þetta er til marks um öflugt fjarnám sem fer fram í ME og er keyrt samhliða dagskólanáminu.